گه‌ر جه‌وهه‌ر نامق به‌لیستی جیاواز یان له‌گه‌ڵ هه‌ر لیستێکی دیکه‌دا بچێته‌ ناو پرۆسه‌ی هه‌ڵبژاردن

گه‌ر جه‌وهه‌ر نامق به‌لیستی جیاواز یان له‌گه‌ڵ هه‌ر لیستێکی دیکه‌دا  بچێته‌ ناو پرۆسه‌ی هه‌ڵبژاردن  50% کادرو پێشمه‌رگه‌و هێزه‌کانی ناو خۆی پارتی ده‌نگی بۆ ده‌ده‌ن،!  عوسمان ئاڵی مه‌رانی.

به‌پێی  خه‌باتی  له‌ مێژینه‌و به‌رپرسیاریه‌تی و خودی که‌سایه‌تی خۆیی و کلتوری حیزبایه‌تی ، جه‌وهه‌ر نامق خاوه‌نی خه‌باتێکه‌ و مێژوی سیاسی پره‌ له‌ سه‌روه‌ری و متمانه‌و گیانی له‌ خۆ بردو ، له‌گه‌ڵ ئه‌وه‌شدا خاوه‌نی  پێگه‌یه‌که‌ ‌ له‌ناو کادرو پێشمه‌رگه‌و  هێزه‌کانی ناوخۆی پارتی ، جگه‌ له‌مه‌ش  هاتنه‌ده‌ری جه‌وهه‌ر نامق له‌ پارتیدا ته‌ئسیراتێکی به‌رچاویشی  له‌ کۆمه‌ڵگادا دروست کردوه‌، چونکه‌ هاتنه‌ده‌ری جه‌وهه‌ر نامق له‌ پارتی  وابه‌سته‌ نه‌بو به‌ به‌رژه‌وه‌ندی خۆیه‌وه‌  به‌ڵکو ناعه‌داله‌تی و نابه‌رابه‌ری و چاره‌ سه‌ر نه‌کردنی گه‌نده‌ڵی و فه‌سادی و گوێ نه‌گرتنی بنه‌ماڵه‌ی بارزانی له‌راو پیشنیازه‌کانی  که‌ ده‌رنجامه‌که‌ی  وازهێننانی له‌و حیزبه‌ لێکه‌وته‌وه‌، بۆیه‌ ئێستاش جه‌وهه‌ر نامق سه‌دان کادری سه‌ربازی و له‌شکری و هێزه‌ ئه‌منیه‌ کانی له‌گه‌ڵدایه‌  له‌ پله‌کانی  کارگێر لق و ئه‌ندام لق و  عه‌میدو عه‌قیدو موقه‌ده‌م و بۆ خواره‌وه‌ش کادیره‌کانی ترله‌م حیزبه‌دا، به‌ڵام ده‌بێ کاک جه‌وهه‌ریش شه‌فافانه‌  هه‌ڵوێستی خۆی له‌م باره‌وه‌ رون بکاته‌وه‌ بۆ خه‌ڵکی کوردستان  به‌ به‌شداری کردنی و به‌شداری نه‌کردنی له‌م پرۆسه‌یه‌دا نه‌ک ته‌نها ئه‌و قاعیده‌یه‌ی که‌ باسمان کرد ، گه‌ر بێت و جه‌و هه‌ر نامق هه‌ڵوێستی خۆی ئاشکرا بکات  ئه‌وا گۆرانه‌که‌ زیاتر له‌ ترۆقی و خۆشحالیدا به‌دی ده‌کرێت و ئه‌و ئاسۆیه‌ش که‌ میله‌ت له‌ چاوه‌روانیدایه‌  زیاتر روناک ده‌بێته‌وه‌. به‌بروای من گه‌ر شێخ موعته‌سه‌م و نه‌وشیروان و جه‌وهه‌ر نامق له‌م پرۆسه‌یه‌دا یه‌کگرتو بن  ئه‌وا نه‌ک ته‌نها گره‌و ده‌به‌نه‌وه‌ به‌ڵکو له‌ ئاینده‌یه‌کی نزیکیشدا جڵه‌وی ده‌سه‌ڵات له‌ده‌ست  مافیاکانی کوردستانیش ده‌ر ده‌هێنن و میله‌تیش متمانه‌ی ته‌واویان پێ ده‌ به‌خشێت ، به‌و مه‌رجه‌ی له‌گه‌ڵ خواست و داخوازیه‌کانی گه‌لدا مامه‌ڵه‌ بکه‌ن و گوێ بۆ رای جه‌ماوه‌ر بگرن . ئه‌وکاته‌ش چجای ئه‌وه‌ی ده‌سه‌ڵات به‌ عه‌قارێکی تردا هه‌نگاو ده‌نێ  له‌وه‌ زیاتریش پشت و په‌نای جه‌ماوه‌ریشیان له‌گه‌ڵ ده‌بێ بۆ پاراستنی . ئه‌و کاته‌ش ده‌سه‌ڵات له‌ ژێر ته‌ئسیراتی ده‌رو دراوسێ ئینقاز ده‌بێ و بۆخۆی ده‌بێته‌ خاوه‌نی بریاری خۆی، که‌ئه‌مه‌ش ته‌مانای هه‌مو لایه‌که‌و له‌م سۆنگه‌شه‌وه‌ خوازیارین  ئه‌م سێ که‌سایه‌تییه‌ی کوردستان بتوانن گره‌وه‌که‌ ببه‌نه‌وه‌و میله‌ت له‌ده‌ست فه‌نان بون ده‌رباز بکه‌ن .