با دادگاکان نەبنە مۆدێلێکیی نوێی بۆ بێدەنگ کردنی رۆژنامەنوسان .

با دادگاکان نەبنە مۆدێلێکیی نوێی  بۆ بێدەنگ کردنی رۆژنامەنوسان .
ئاشکرایە ماوەیەکە سکاڵا تۆمارکردن دژی رۆژنامەنوسان بۆتە مۆدێلێکی دیار، کە زۆرینەی سکاڵاکان لە لایەن بەرپرسان وکەسانی نزیکیانەوەن.
  ئێمە وەک یانەی رۆژنامەنوسانی هەلەَبجە نیگەرانین لە دەرکەوتنی ئەم مۆدێلە و بەکارهێنانی دادگا وەک یەکەم چەک و دوا چەکی بەرگری لە خۆکردن،کە زیاتر کەسانی ناو دەسەڵات لەپشت ئەم سکاڵایانەوەن،لەکاتێکدا بوار هەیە بۆ وەڵامدانەوە و رەدکردنەوەی زۆرینەی نوسراوەکان لە کەناڵە راگەیاندنەکانەوە.
ئێمە لە کاتێکدا ئەمە دەڵێین بڕوای تەواومان بە مافی بەرامبەر و پەیرەوکردنی دەقە یاساییە هاوچەرخەکان هەیە بۆ گێرانەوەی مافی پێشێلکراوی هەر کەسێک کە هەست بە مافخوراوی و ناو زڕاندن بکات.بەڵام لە هەمان کاتدا ئێمە بەگومانین لە چۆنیەتی و بێلایەنی دادگاکان لە یەکلاکردنەوەی دۆسیەکاندا،کە زۆرینەی دۆسیەکان بە زیانی رۆژنامەنوسان کۆتای پێدەهێنرێت.وە ئەوەشمان لا روونە لە ووڵاتێکدا کە گەندەڵی زۆرینەی کایەکانی تەنیوە، تا ئێستا تاقە دادوەرێک نە لەسەر گەندەڵی یان دژە گەندەڵی لانەبراوە و دەستی لەکار نەکێشاوەتەوە.
بۆیە ئێمە وەک یانەی رۆژنامەنوسانی هەڵەبجە،ئەو سکاڵایەی دژی بە نوسراوەکەی گۆڤاری لڤین تۆمارکراوە،بە هەوڵێکی شەرمنانە دەزانین بۆ دروستکردنی گرفت لەبەردەم پرۆسەی نوسینی ئازاد و رەخنەی بونیاتنەرانەدا.
لێرەوە  داواکارین ،کە پێویستە چیتر دادگاکان بێلایەنی خۆیان بپارێزن  وبڕیارەکانیان بەرامبەر رۆژنامەنوسان عادیلانەبێت،لە بەرژەوەندی راستی بێت نەک بەرژەوەندی دەسەڵات.
 لە کۆتایدا وەک رۆژنامەنووسانی هەڵەبجە رووی دەممان دەکەینە داواکاری گشتی هەڵەبجە گەر تائێستا نەیزانیبێت کاری چی یە،ئەوا ئەرکی خۆیەتی لەو دۆسیانەی مافی گشتیان تیا پێشێلکراوە،لە دۆسیەیەکی وەک نوسینەکەی گۆاڤاری لڤیندا ،قسەو لێکۆڵینەوەی خۆی هەبێت .تا چیتر پیرۆزی بۆ دادگاکان بگەرێتەوە و دادگاو دادوەرەکانی ئەم هەرێمە نەبنە چیرۆک ووشەی گاڵتە جاڕی و  نەوەی نوێ کۆمەڵکاگەمان بیانڵێنەوە.
 یانەی رۆژنامەنوسانی هەڵەبجە
14/4/2009